Presidenti i ShBA-së Joe Biden, gjatë konferencës për media  ka thënë se Presidenti i Rusisë, Vladimir Putin, nuk ka interesim të madh për Ukrainën, por interesimi i tij është të  “rithemelojë Bashkimi Sovjetik”.

Putin sipas Bidenit është i shkëputur nga pjesa tjetër e botës dhe dëshiron ta ringjallë përsëri Bashkimin Sojvetik, shkruan CNN, transmeton arbresh.info.

“Ai ka ambicie shumë më të mëdha se Ukraina. Në fakt ai dëshiron të rivendosë ish-Bashkimin Sovjetik. Për këtë bëhet fjalë. Dhe mendoj se ambiciet e tij janë krejtësisht në kundërshtim me vendin ku ka ardhur pjesa tjetër e botës”, deklaroi Biden.

Njëra ndër sanksionet e cila është duke u konsideruar si sanksioni më i ashpër, është ajo e bllokimit të  disa prej bankave më të mëdha të Rusisë, me pasuri prej 1 trilionë dollarë.

Biden mbeti i palëkundur se sanksionet do të kenë efekt në agresionin rus, pasi nisi sulmi në Ukrainë.

“Kjo do ta dobësojë vendin e tij. Ai do të duhet të bëjë një zgjedhje shumë, shumë të vështirë nëse do të vazhdojë të lëvizë drejt të qenit një fuqi e dorës së dytë apo, në fakt, të përgjigjet. Nëse ne nuk lëvizim kundër tij tani me këto sanksione të rëndësishme, ai do të inkurajohet”, shtoi Biden. / arbresh.info/